Bizentziarrak izan: Pauleko San Bizenteren aztarnak jarraitu

Bizentziarrak izatea Pauleko San Bizenteren historia ezagutzea baino askoz gehiago da. Egunero bere begirada berarekin bizitzen saiatzea da: gehien behar dutenengandik hurbil egotea, laguntzea, entzutea eta pertsonak erdigunean jartzea.

San Bizentek besteei zerbitzatzen eman zuen bizitza, batez ere gehien behar zutenei. Haren adibideak inspirazio-iturri izaten jarraitzen du, eta, irakasle garen aldetik, haren lekukoa hartu eta gure ikasleei hainbat balio helarazi nahi dizkiegu, hala nola elkartasuna, zerbitzua, enpatia, entzutea eta konpromisoa. Hain zuzen ere, entzutea izango da ikastaro honek bereziki lagunduko digun balioetako bat, entzutea zaintzeko, ulertzeko eta laguntzeko modu bat ere badelako.

Pasa den irailaren 25ean Pauleko San Bizente eguna ospatu genuen, gure zentroaren barruan zein kanpoan. Bere bizitza eta lana gogoratzeko jardunaldia izan zen, baina baita zaintzan eta besteenganako zerbitzuan oinarritutako hezkuntza modu batekin dugun konpromisoa berritzeko ere.

Izan ere, guretzat, San Bizenteren aztarnak jarraitzea begiratzen, entzuten, laguntzen eta zerbitzatzen ikastea da.